FIQHI Istilahat Farz Wajib Ka Bayan 39

FIQHI ISTILAHAAT

HADEES -

Behtareen ibaadat FIQAH hai,aur fiqah ke bagair koi ibaadat nahin aur faqeeh ki majlis me baithna 60 saal ki ibaadat se behtar hai

📕 Kanzul ummal,jild 10,safah 100

HADEES -

ALLAH taala jiske saath bhalayi ka iraada karta hai to use deen ki samajh (FIQAH) ata farmata hai

📕 Bukhari,jild 1,safah 137

---

FARZ Kia Hota Hai?

Wo Hukm hai Jiska Lazoom DALEEL QATA’I se saabit ho.

Daleel Qata’i 3 Cheezein hain:

1.Qur’an (Allah Ka Qalam) ki Aayat Jiske Ma’na me A’immah ka Iqtilaf Na ho.

2.Hadees e Rasul Mutawatir,

Jis Hadees ke Raavi is Qadar Zyadah ho ke Un Sab ka Jhoota hona Aqlan Muhaal ho.

Aur Ye Zyadati Shuroo’ se Akheer Raavi tak har Tibqah me rahe.

3.Ijma’-e-Ummat se Jaise 5 Waqt ki Namaz.

FARZ ka MUNKAR KAAFIR hai.

Bila Uzr Chhorne wala FAASIQ aur AZAAB-E-ALEEM KA MUSTAHIQ hai.

FARZ KI 2 QISMEIN HAIN:

1.FARZ-E-AYN:

Ya’ni Jiska adaa karna Har Shaqs par Zaroori ho.

Jaise Namaz,

Rozah,

Zakath,

Hajj,

Islami Aqaa’id aur Farz Ibadaton ka seekhna.

Isko bila Uzr chhorne wala FAASIQ aur GUNAH-GAAR hai.

2.FARZ-E-KIFAAYAH:

Jo Ek 2 Aadmiyon ke adaa karne se Sab ke Zimmah se Utar Jaayega.

Koi bhi Na kare to Sab Gunahgaar honge Jaise Namaz-e-Janazah,

Aalim-e-Deen banna.

.....

WAJIB Kia Hota Hai?

Wo Hukm hai Jiska Lazoom DALEEL ZANI se saabit ho.

Daleel Zani 3 Cheezein hain:

1. Qur’an ki Aayat Jiske ma’ne me Doosra bhi Ahtemaal (possibility) ho.

2. Aisi Hadees Jiske Raavi bohat Na ho ke TAWATUR ke darjah ko Pohnche.

3. Qiyaas Ahle Ijtihaad.

Waajib ki misaal FARZ Namaz ki Jama’t, Eidein ki Namaz waghera.

WAAJIB KI 2 QISMEIN HAIN:

1.WAAJIB-E-AYN:

Jiska adaa karna Har Musalman par Alhaidah Alhaidah WAAJIB hai.

Jaise Namaz WITR,

Namaz EID waghera.

2.WAAJIB-E-KIFAAYAH:

Aisa Waajib hai ke Agar Kuch Musalman adaa Karein to Sab ki taraf se adaa ho Jaaye,

Warna Sab Gunahgaar honge Jaise Tableegh-e-Deen.

NAMAZ KE WAAJIBAAT Ka Hukm Ye hai ke Jiska Namaz me Adaa Karna Zaroori hai.

Isko Qasdan chhorne se Namaz to ho Jati hai magar NAAQIS Ya’ni MAKROOH-E-TEHREEMI,

WAAJIB AL-I’AADAH hoti hai.

Haan.! Agar Wajib bhoole se Chhoot Jaaye to Uske liye Sajdah Sahoo kaafi hota hai.

Haan.! Agar Sajdah Sahoo Na kiya to Namaz Waqt ke andar Lautaani WAAJIB hai.

.....

SUNNAT Kia Hoti Hai?

Jis Cheez ko Rasoolullah (sallallahu alaihi wa sallam) ne Ya Sahaba-e-Kiraam (rizwaanullahi ajma’een) ne Kiya ho Ya Karne ka Hukm diya ho.

SUNNAT 2 QISMEIN HAIN:

SUNNAT-E-MU’AKKIDAH:-

Wo Kaam Jise Huzoor (sallallahu alaihi wa sallam) Aksar Karte rahe ho Ya Karne ke liye farmaya ho.

Aur bila Uzr Kabhi Na Chhora ho Jaise SUBAH (FAJAR) ki Sunnatein.

Iska Chhorna GUNAAH hai.

SUNNAT-E-GAIR MU’AKKIDAH:-

Wo Kaam Jise Huzoor (sallallahu alaihi wa sallam) ne Aksar kiya ho,

Aur Kabhi bila Uzr Chhor bhi diya ho.

Aisi SUNNAT ke chhorne se GUNAAH Nahi hota Jaisa ke Asar ki Sunnatein.

Phir SUNNAT ki Aur 2 Qismein hain:-

SUNNAT-E-AYN

Jiska adaa karna Har Musalman ke liye Alhaidah Alhaidah Sunnat hai Jaise Aam Sunnatein.

SUNNAT-E-KIFAAYAH:

Aisi Sunnat ke Agar Kuch Musalman adaa karein to Sab ki taraf se Adaaygi ho Jaaye Warna Sab par Sunnat Chhorne ka Baar rahega Jaise A’itekaaf.

NOTE-1:

Jis Sunnat ka Saboot Hadees-e-Mutawatir se ho Uska MUNKAR KAAFIR ho jata hai aur Jis Sunnat ka Saboot Hadees-e-Mash’hoor se ho Uska Munkar FAASIQ ho jata hai.

Agar Sunnat ka saboot Hadees Ahaad se hai to Uske Munkar ko BID’ATI kehte hain.

Agar Sunnat Ittifaqan TARK ho Jaye to Kuch HARJ Nahi.

Agar Aadat Kar li to Uske TARK par Usko Malaamat karna chahiye. Wo Gumraah hai aur Shifa’at se Mehroom rahega.

NOTE-2:

Namaz me Sunnat-e-Mu’akkidah qasdan Ya sehvan chhoot Jaaye to Namaz Makrooh Tanzeehi hogi.

Namaz ka I’aadah Ya’ni Dohraana Nahi hai,

Albatta Sawaab Kam ho Jaayega.

.....

MUSTAHAB Kia Hota Hai?

Jis kaam ke karne ka Sawaab Huzoor (sallallahu alaihi wa sallam) ne bayaan farmaya ho, aur Us par Khud bhi amal kiya ho, aur Wo Ibadat ke Baab se ho Aadat ke Baab se Na ho.

Mustahab ke karne me Sawaab hai,

Na karne me Koi Azaab Nahi hai.

Mustahab ka Munkar Na to Kafir hai Na Faasiq,

Na Bid’ati. Haan Karne wala Sawaab aur Fazeelat ka Mustahiq hai.

.....

MUBAAH Kia Hota Hai?

Wo Kaam Jiske Karne me Na Sawaab ho aur Na, Na karne me Gunaah ho.

.....

NAFL:

Jis cheez ki Fazeelat aayi ho aur Karne me Sawaab ho,

Aur Chhorne me Azaab Na ho, Nafl ko Mustahab,

Mandoob aur Tatoo’ bhi kehte hain.

.....

HARAM Kia Hota Hai?

Wo Kaam Jiski Hurmat aur Mukhalifat Daleel Qata’i se sabit ho Jaise Jhooti Gawaahi dena, Choghli,

Chori,

Sharaab peena,

Sood lena,

Rishwat,

Juwa waghera.

HARAAM ka Munkar Kaafir ho jata hai,

Aur baghair Uzr ke Iska Murtakib FASIQ aur MUSTAHIQ Azaab wa Saza hota hai.

....

MAKROOH Kia Hota Hai?

Ya’ni Na-Gawaar (Na-Pasandeedah) aur Bura.

MAKROOH 2 QISMEIN HAIN:

MAKROOH-E-TEHREEMI:-

Jiski Mumaani’at aur Na-Pasandeedgi Daleel Zani se ho. Aisa bura Kaam Jo Haraam ke qareeb qareeb ho.

Makrooh-e-Tehreemi ka Munkar Kafir to Nahi hota lekin Amal me laane wale Fasiq aur Azaab ka Mustahiq hota hai.

MAKROOH-E-TANZEEHI:-

Tanziyah ke ma’na PAAK wa SAAF hain.

Makrooh-e-Tanzeehi aisa Fa’l hai Jo Paak-baaz ko Nahi karna Chahiye.

Ya’ni aisa bura Kaam Jiski buraayi ma’mooli ho,

Shari’at me Gair-Munaasib samjha jaata ho,

Iska chhorna Achha hota hai, aur Karna PAAK-BAAZI ke khilaf hai.

Bach Jaaye to Sawaab ka Mustahiq hota hai.

Kuch Zaruri Malumat -

Q. Haram aur Najayez Kehne Mein Kia Farq Hai?

A. Najayez Jaisa Kohi Lafz Fiqh Ki Kitabon Mein Nahi Hai. Ulema Ki Ek Badi Jamat Makrooh e Tehrimi Ko Najayez Likhti Hai Jiska Mana Gunah e Sagira Se Liya Jata Hai.

Haram Ko Gunah e Kabira Samjha Jata Hai.

Aawam Ko Samjhane K Liye Isme Farq Kia Jata Hai.

Haan Agar Sab Aalim Ho Tab Kabira aur Sagira Dono Mein Haram Bol Diya Toh Harj Nahi.

Makruh e Tehrimi aur Tanzihi Mein Farq aur Uski Kuch Misal -

Q. Kia Masjid me pyaz khaa ke ja sakte h?

Jawab:بسم الله الرحمن الرحيم

Pyaz kha kar masjid me jaa sakte hai, koi harz nahi, magar pyaz kha kar munh achhi tarah saaf kiya gaya ho, aur pyaz ki badbu naa ho warna jana *mana* hoga, aur aise har shakhs ko masjid me ane se roka jayega jo kacha pyaz ya lahsun ya kuchh bhi badbu wala khaa, pee kar aata ho, kyunki isse firishton (malaika) ko taqleef hoti hai

Hadis Sahi’ain me hai من اکل من ھذہ الشجرۃ الخبیثۃ فلایقربن مصلانا؎

(jisne is (kachcha piyaz ya lehsun) me se khaye wo hamari masjid ke pas naa aye)

Radd al Mukhtar me hai واکل نحوثوم ویمنع منہ وکذاکل موذولو بلسانہ

(masjid me dakhil hone se pehle badbudar cheezon maslan kachcha pyaz ya lehsun khane wale ko mana kiya jaye). (Ishi Huqm Mein Machli, Dawa, Bidi, Cigarette, Hukka Wagaira Bhi Hai)

وﷲ تعالیٰ أعلمُ بالـصـواب

☪️

Makruh e Tanzihi ki tareef:

Woh amal jise shariat naa pasand kare, par ispar kuchh azab nahi (gunah nahi)

وهُو تعالیٰ أعلمُ بالـصـواب

Makruh e Tanzihi Ki Ek aur Misal -

Aadhi aasten me namaz ho sakti hai ya nahi?

Jawab: بسم الله الرحمن الرحيم

Aadhi asteen ki t-shirt or shirt me namaz ho jaygi. Or agar doosre kapde mojood hain to aadhi aastin me namaz makruh e tanzihi hai, magar namaz fir bhi ho jaygi dohrane ki zarurat nahi naa kuchh gunah, Or agar doosra kapda mojood nahi hai to namaz makruh bhi nahi,

Fatawa Amjadiya Jild: 1 Safah: 193 par hai

Jiske pas kapde mojood hon, aur sirf aadhi aastin ya banyan pehen kar namaz padhe to karahat tanzihi hai, (yani namaz ho jayegi). Aur (doosre) kapde mojood nahi to karahat (tanzihi ki) bhi nahi,

Waqarul Fatawa Jild: 2 Safah: 245 par hai

Aadhi aastin wala kurta, qameez ya shirt, kam-kaj karne wale libas me shamil hain is liye jo aadhi aastin wala kurta pehen kar doosre logon ke samne jana gawara nahi karte unki namaz makruh tanzihi hai aur jo log aisa libas pehen kar sab ke samne jane me koi burai nahi mehsus karte to unki namaz makruh bhi nahi.

☪️

Makruh e Tanzihi Ki 3ri Misal-

بسم الله الرحمن الرحيم

Agar jan ya bhool kar pehli rakat me surah naas padh li to baki rakat me bhi surah naas hi padhta rahe,

kyunki quran ko ulta padhna zyada sakht hai, (banisbat iske ki ek hi surat dohrata rahe), aur ek hi surat ko sari rakat me dohrana gunah nahi makruh tanzihi hai, wo bhi uske liye jise or surate aati ho fir bhi ek hi padhe, aur jise doosri nahi aati to, doosri yaad karne me lag jaye, or ek hi surat se namaz padhe uske liye makruh bhi nahi.

Fatawa Razawiyya Jild: 6 Safah: 266 par hai

بے ضرورت در فرائض مکروہ تنزیہی است

(bezarurat farz me (ek surat ko dohrana) makruh TANZIHI hai)

Khade Hokar Wuzu Karna Kaisa?

(Ye Na Tanzihi Hai Na Tehrimi) Let Kar Wuzu Bhi Kar Sakte Hai.

بسم الله الرحمن الرحيم

Khade ho kar wuzu karne me kuchh gunah nahi, aur wuzu bhi sahi ho jayega, magar wuzu me bethna mustahab hai, agar beth kar karega to zyada sawab payega, aur khade ho kar karega to wuzu ke sawab me kuchh kami naa hogi bas zyada(extra) sawab jo milna hai usse mehroom rahega,

Aur wuzu naam hai char(4) farz ke dhul jaane ka, jisne wuzu ke char farz ada kar liye wuzu ho gaya chahe beth kar kare, let kar kare, ya bhool se kar le, ya koi or karwa de, ya barish me dhul jaye behrhal har surat me wuzu sahi hoga, magar beth kar hi karna chahiye, magar khade ho kar kare to bhi kuchh gunah nahi,

وﷲ تعالیٰ أعلمُ بالـصـواب

Log Bahot Si Baaton Ko GUNAH Samajhte Hai

Magar Wo GUNAH Nahi Hoti.

Haa

Khilaf e Adab Hosakti Hai

Makruh e Tanzihi

Asr Ki 4 Rikat Sunnat ya Isha Ki 4 Sunnat (Gair Muaqida Hai)

Isko Agar Janboojh Kar Bhi Nahi Padhta Toh Bhi GUNAH Nahi.

Aur Isko Na Padhne Ki AADAT Bana Lena Makroh e Tanzihi Hai.

(Kohi Gunah Nahi)

Albatta Sawab aur Fazilat Se Mehrum Zarur Rahega.

Farz Namaz Ki Pehli Rikat Mein Choti Sureh Ya Qirat Karna Aur Dusri Mein Lambi Ye Bhi Makruh e Tanzihi Hai.

Pehli Rikat Ki Qirat Lambi Karna Sunnat Hai.

☪️☪️☪️

Makruh e *TEHRIMI* ki Misal

(Matlab GUNAH e SAGIRA Hoga)

1) Kapde, Badan Ya Daadhi Ke Saat Khelna

2) Kapda Sametna (Jaise Sajde Me Jaate Waqt Aage Ya Peeche Se Uthana)

3) Kapda Latkaana (Yani Sar, Ya Mundhe Par Iss Tarah Daalna Ki Doono Kanare Latakte Ho)

4) Aasteen Ka Aadhi Kalaayi Se Ziyaada Chadhaana

5) Daaman Samet Kar Namaz Padhna.

6) Shiddat (Zordaar) Ka Paakhana.

7) Peshab Maloom Hote Waqt, Ya Galbaye Riyaah Ke Waqt Namaz Padhna.

8) Mard Ka Judha Baandhe Huwe Namaz Padhna

9) Ungliyaan Chatkaana

10) Ungliyo Ki Kainchi Bandhna.

11) Kamar Par Haath Rakhna,

12) Idhar Udhar Muh Pheir Kar Dekhna,

13) Aasman Ki Taraf Nigah Uthaana.

14) Tashahud Ya Sajdon Ke Darmiyan Kutte Ki Tarah Baithna.

15) Mard Ka Sajde Me Kalaayio Ka Bichaana,

16) Kisi Shakhs Ke Muh Ke Samne Namaz Padhna,

17) Kapde Me Iss Tarah Lipat Jaana Ki Haat Bhi Baahar Na Ho.

18) Pagdi Iss Tarah Baandhna Ki Beech Sar Par Na Ho.

19) Naak Aur Muh Ko Chipaana,

20) Bezarurat Khankaar Nikalna,

21) Bilkasd Jamaahi Lena Aur Khud Aaye Toh Harz Nahi,

22) Jis Kapde Par Jaandaar Ki Tasweer (Photo) Ho Usko Pehen Kar Namaz Padhna,

23) Tasweer Ka Namazi Ke Sar Par (Yaani Chath Me Hona, Ya Latka Hona, Ya Sajda Karne Ki Jagah Me Hona Ki Uss Par Sajde Waaki Ho.)

24) Namazi Ke Aage, Ya Dahine, Ya Baaye, Ya Peeche Tasweer Ka Hona.

Jabki Latki Ho, Ya Nasab Ho, Ya Diwaar Wagairah Mankoosh Ho (Dewaar Par Khood Kar, Ya Waise Hi Kisi Jaandaar Ki Tasweer Bani Hona)

25) Ulta Quran Majeed Padhna,

26) Kisi Wajib Ko Tark Karna (Choodhna)

27) Qiyam Ke Alaawa Kisi Aur Mauqe Par Quran Padhna.

28) Ruku Me Qirat Ko Khatm Karna,

29) Imam Se Pehle Muqtadi Ka Ruku Wa Sujood Wagairah Me Jaana, Ya Usse Pehle Sar Uthana.

Yeh Tamaam Baatein Makrooh E Tahrimi Hai.

Q. Kihilaf e Tartib Quran Padhna Kaisa?

(Ulta Quran Padhna Jaise Pehle Sureh Naas Padha Phir Ikhlas)

💫 *_KHILAAF E TARTEEB SURATEIN PADHI_*💫

💎 _Mas’ala:

*Qasdan Quran Sharif ulta padhna namaz ke andar ho ya namaz ke baahar dono makruh e tahreemi aur gunaah hai, is ke liye sakht waeedein aayi hain. Hazrat e Sayyiduna Abdullah bin Mas’ood Radi Allahu Ta’ala Anhu farmate hain jo Quran tarteeb ke ulta padhe to kya wo khauf nahin karta ki ALLAH Ta’ala uska dil hi ulat de. (al ayaaz billahi ta’ala)*_

🏮 *_Albatta bacchon ki ta’leemki garz se khilaaf e tarteeb jo padhaya jata hai iski fuqaha e kiraam ne ijazat di hai._*

💎 _Mas’Ala:

*Kisi ne pehli rak’at mein “iza ja’a” aur dusri mein “qul ya ayyuhal kaafirun” padha, agar bhool kar aisa hua to na is par gunaah hai na sajda e sahw aur qasdan aisa kiya to is par sirf gunaah hoga sajda e sahw nahin hoga.*_

📚 *(Shaami J 1, pg. 426; Bahaar E Shari’at J 4, pg. 49)*

📍 _*Iski wajah ye hai ki Quran shareef tarteeb ke sath padhna tilawat ke wajibaat se hai namaz ke wajibaat mein se nahin hai, isliye tarteeb ke khilaaf padhne se sajda e sahw wajib nahin.*_

💫 *_KHILAAF E TARTEEB SURAH SHURU KAR KE PHIR TARTEEB SE PADHI_*💫

💎 _Mas’Ala:

*Kisi ne bhool kar dusri rak’at mein khilaaf e tarteeb surah shuru kar di maslan pehli rak’at mein “iza ja’a” padhi aur dusri mein “Qul ya ayyuhal kaafirun” shuru kar di phir yaad aaya to isko chhod kar tarteeb ke muwafiq “tabbat yada” padhi to sajda e sahw wajib nahin namaz ho gayi magar aisa karna makruh hai balki jo surah az khud be-ikhtiyaar zabaan par jaari ho jaye isi ko padhe, isko chhodna nahin chahiye.*_

📚 *(Shaami J 1, pg. 51; Bahaar e Shari’at J 3, pg.102)*

📚 *Masail E Sajda E Sahw 33 34. 35*

☪️☪️☪️

Payjama, Pant, Jeans Ya Trouser Ki Lambai Takhne Tak Ho Agar Isse Zyada Lambi Hogi Toh Namaz Makruh e Tanzihi Hogi

Aur Agar FOLD Kar Liya Toh Kapda Wazah K Khilaf Hoga Isiye Fold Karna Makruh e Tehrimi Hoga.

Ishi Tarha Aasteen Fold Karke Namaz Padhna aur Colar Khada Karke Namaz Padhna Bhi Makrooh e Tehrimi Hai.

Libas Apni Wazah K Khilaf Na Ho.

Agar Payjama ya Pant Zyada Lambi Ho Toh Fold NAHI Kare Waise Hi Namaz Padh Le. (Kohi Gunah Nahi)

☪️☪️☪️

Umum e Balwa

(aam istemal ya kaseer istemal)

Agar Aap Ko Ikhtelafi Masail Se Hone Wale Nuqsanat Se Bachna Hai Toh UMUM e BALWA Ko Samajhna Zaruri Hai.

Jo Bhi Ikhtelafi Masail Hai (Ahle Sunnat) K Andar Uspar Thoda Naram Lehja Aur Rawaiyya Ikjteyar Karen.

Kisi Bhi Sunni Par Fatawe Razvia Sharif Dikha Kar ZOR Na Karen.

Dusre Ulema Ka Qaul Alag Bhi Hosakta Hai. Isse Apas Mein Jhagda Nahi Hoga.

Ikhtelafi Masail Mein Khamoshi Behtar Hai (zamane k itbar se).

Ikhtelafi Masail Kaun Se Hai?

1. Abu Tabil Momin Hai Ya Kafir (jisko kafir kehna hai keh sakta hai jisko musalman wo bhi)

2. Ojhdi Makruh e Tehrimi Hai Ya Tanzihi, Dono Huqum Hai (jo khata hai usko FASIK na kehna behtar hai)

3. Perfume (alcohol base) Mein Namaz Hogi Ya Nahi (dono huqm hai)

4. Chain wali ghadi (bracelet watch) jayez hai ya nahi (dono huqm hai)

Wagaira..

Kohi Bhi FAQIH Ye Pasand Nahi Karta Ki Apni Rai (opinion) Se Musalmanon Ki Badi Tadad Ko GUNAHGAR Kahe Ya Fasik Kahe.

Jab Kisi Cheez Ka Istemal Aam Hojaye Toh KHAMOSHI Behtar Hai!

Albatta

Mein Imam Ahmed Raza Razi Allahutala Anhu K Masail Hi Manta Hu.

5. Loud Speaker Par Namaz Hogi Ya Nahi

6. TV Camera Ka Deeni Istemal

Ye Sab Mein Umum E Balwa Bhi Dekha Jayega

7. Artificial Jewelry

Sone Aur Chandi k ilawa aurton ko aur kisi dhaat se bane zever pehanna NAJAYEZ hai.

Ye MasLa Sahi Se Aawam Tak Nahi Pahucha aur 70% Se Zyada Musalman Aurten Artificial Jewelry Pehenti Hai.

Umum e Balwa ki Wajah Se Aaj K Daur Mein Isko JAYEZ Bhi Mana Gaya Hai (kuch ulema k nasdik)

Isliye Agar Kohi Artificial Jewelry Pehenta Hai Toh Uspar Sakhti NAHI Hai.

8. Begair Dadhi K Namaz Makruh e Tehrimi Wajib ul Ada (aisa fatawe razvia sharif mein likha hai)

Ispar Bhi Bada Ikhtelaf Hai.

Namaz Hojayegi Bila Kisi Karahat aur Daurana Bhi Nahi Hai.

Dadhi Wale MasLe Mein Muqarrir Harzrat Ki Ek Badi Jamat Ne Awam Ko SUNNAT Bataya Aur Kai Saal Se SUNNAT Ki Kehte Rahe aaj Bhi Net Pat Bahot Se Aalim Isko Sunnat Keh Dete Hai

Jab Ki Ye WAJIB Hai.

Is Communication Gap Ki Wajah Se 50% Se Zyada Awam Dadhi Ko Sunnat Hi Manti Hai (Halake Ye Galat Hai)

1 Musht Dadhi Rakhna WAJIB Hai

Usse Kum Karna Gunah e Sagira

Baar Baar Karna FISQ.

9. Nikah Karna Sunnat Ye Bhi Sahi Nahi Hai.

Nikah Kabhi Sunnat, Kabhi WAJIB aur Kabhi FARZ aur Kabhi Haram Hota Hai.

Aawam Isko Sirf SUNNAT Hi Samajhti Hai.

(Al Nikaho Min Sunnati Wali Hadees Mashoor Kar Diye Hai)

Zamane K Hisab Se Aksar Nikah Wajib Hai 21 Saal Ki Umr Hojaye Toh Bachchon Ka NIKAH Kar Dena Chahiye

Rasoolullah Sallallaho ta'ala Alaih Wasallam ne farmaya..

ﺍﺧﺘﻼﻑ ﺍﻣّﺘﯽ ﺭﺣﻤﺖُ

MERI UMMAT KA IKHTILAF REHMAT HAI

📖 Kanzul Umaal : 28686

Aawam K Pass CHOICE Hai Wo Chahe Toh Dono Mein Se Kisi 1 Huqm Par Amal Kare

Ya 1 Huqm Se Dusre Par Shift Kare.

---

☠️☠️☠️

Shaitaan Ka Makr o Fareb

Jo Musalman Neki Ka Irada Karta Hai Usko Sahaitaan Kai Tariqon Se Behkata Hai

Uski NIYAT Ko Kharab Ya Halka Kar Deta Hai

Uske WAQT Ko Kum Darje Ki Ibadat Mein Zaye Kardeta Hai

Jaise Ushi 1 Ghante Mein Insaan Elm e Deen Hasil Kar Sakta Hai (jo FARZ hai) aur Behek Gaya Wahi 1 Ghanta Muraqebe Mein Laga Dega Jo Mustahab Hai.

Allah Shaitan K Fareb Se Bachaye!

Mahfum-e-Hadees:

Rasool’Aallah (Sallallahu

Alaihay Wasallam) Farmatey Hai –

Jis Shakhs Ko Sirf *Duniya* Ki Fikr Ho To

Allah Ta’ala Uske Kaam Me *Pareshaani* Daal Dega,

*Aur Uski Muflisi Dono Aankhon Ke Darmiyan Kar Dega

*Aur Duniya Usko Utni Hi Milegi Jitni Uski Taqdeer Me Likhi Hai...

Aur Jiski *Niyat Aakhirat Ki Taraf Ho Tou Allah Ta'ala Uske Sab Kaam Durast Kar Dega* ,...

*Aur Uskey Dil Me Be-Parwahi Daal Dega

Aur Duniya Bila Shuba Uske Pass Aayegi”.

– (Sunan Ibn Majah)

“Duniya ki Misaal Aakhirat ke Muqable me Aisee hai Jaisey Tum me se Koi Apni Ungli Samandar me Daley Phir Dekhey ki Kitna Paani Uski Ungli me Lagta hai.”

(Matlab Samandar (akhirat) K Aur (dunya) 1 Boond Bhi Nahi)

[Sunan Ibn Majah, Vol-3, 989-Sahih]

Shaitaan Tumko (Garibi/Tang Dasti/Faqeeri) Se Darata Hai aur Bure Kaam Karne Kehta Hai.

(Mafhoom)

Quran Sureh Bakra Ayat 268

☪️☪️☪️

FARZ vs NAFIL (mustahab)

Pehli Baat Ye Hai Iska Kohi Comparison Hai Hi NAHI Ye Toh Aap K Samajh Mein Aajaye Iskiye Likh Raha Hu

1. 2 Rikat Namaz Farz 2000 Rikat Nafil Se Bhi Zyada Behtar Hoti Hai

2. 100 Rupya Farz Sadqa (ZAKAT) 100000 Rupya NAFIL Sadqe Se Bhi Behtar Hota Hai

3. Elm e Deen (Farz Uloom) Mein Invest Kia Hua 1 Saal Zindigi 50 Saal K Nafil Muraqebe Se Behtar Hota Hai

4. Elm e Deen (farz uloom) Sikhana Aur Faylana Sab Se AFZAL Zikr Mein Se 1 Hai Jo Marne K Baad Bhi JARI Rehta Hai (sawab e jaria)