IMAN K 6 ARKAN (Pillars or RUKN) Hai
1. ALLAH par Iman Lana
2. FARISHTon par Iman Lana
3. RASULon par Iman Lana
4. KITABon par Iman Lana
5. QAYAMAT k din par Iman Lana
(Maut K Baad Utaya Jana Isme Shamil Hai)
6. TAQDEER par Iman Lana (achchi aur buri dono)
- Ref Sahi Bukhari 4777
Aadmi jin Deeni baaton par dil se yaqeen rakhta hai, un ko "Aqaaid" kehte hain.
Hazrat Umar Raziy Allahu Anhu bayaan karte hain ke ham Rasoolullah ﷺ ki khidmat mein haazir the, ek shakhs ne aa kar Aap ﷺ se daryaaft kiya ke mujhe bataaiye Imaan kya hai? Aap ﷺ ne farmaaya: Imaan yeh hai ke tum Allah ko, us ke farishton ko, us ki kitaabon ko, us ke Rasoolon ko aur Qayaamat ke din ko haq jaano, haq maano aur har achchhi buri tqdeer ko bhi haq jaano, haq maano.
[Sahih Muslim : 102]
Aye Imaan waalo! Allah par Imaan rakho, aur us ke Rasoolon par aur us kitaab par jo Allah ne apne Rasool par utaari hai aur har us kitaab par jo us ne pehle utaari thi. Aur jo shakhs Allah ka, us ke farishton ka, us ki kitaabon ka, us ke
Rasoolon ka aur Yaum-e-Aakhirat ka inkaar kare, to woh bhatak kar gumraahi mein bahot door ja pada. [Sura-e-Nisa: 136]
1. Allah Ki Zaat Aur Sifat Par Hamara Detail Post Hai
No.34 Isko Refer Karen
2. Taqdeer Par Hamara Detail Post
No.51 Hai Usko Refer Karen
3. Rasulon Par Hamara Detail Post
No.57 Hai Usko Refer Karen
4. Aasmani Kitabon Ke Mutalliq Zaruri Aqaid
1. Aasmani Kitab: Wo Kitaben Jo Allah Taala Ne Makhlooq Ki Rehnumai Ke Liye Apne Nabiyon Par Nazil Kiya Hai. In Me Jo Kuch Irshad Huwa Sab Allah Ka Kalam Hai. Aur Sab Par Iman Lana
Farz Hai.
2. Kisi Ek Aasmani Kitab Ka Inakr Bhi Kufr Hai.
3. Ye Eteqad Rakhna Chahiye Ke Jitni Aasmani Kitaben Nazil Hivi Sab Allah Ka Kalam Hai Aur Haqq Hai.
4. Asmani Kitabon Ki Sahi Tedad Ka Ilm Sirf Allah taala Ko Hai
5. Alag Alag Qaumon Me Alag Alag Waqton Me Allah Ne Apne Nabi Bhej Kar Apna Paigham Pahunchata Raha. Wo Paigbam Wahee E Ilahi Kehlata Hai. Un Ahkamaat Ko Kitabon Aur Saheefon Ki Shakal Me Mehfooa Kiya Jata Raha.
6. Un Saari Asmani Kirabon Me Sab Se Afzal Chaar (4) Kitaben
Tauraat
Zaboor
Injeel
In Chaaron Me Bhi Quraan E Kareem Sab Se Afzal Hai. Afzal
Hone Ka Matlab Ye Hai Ke Hamarey Liye Is Me Sawab Ziyada Hai
7. Taurat Aur Zaboor Ibrani Zaban Me, Injeel Siryani Zaban Me Aur Quraan E Majeed Arabi Zaban Me Nazil Huwe Hain.
8. In Ke Ilawa Be Shumar Kitaben Aur Saheefe Jin Ke Tedad Sirf Allah Ko Pata Hai.
9. Allah Ne Jo Kuch Bhi Apne Anbiya Par Nazil Kiya Hai Un Sab Par Iman Lana Zaruri Hai
10. Sari Asmani Kitabon Me Sirf Quraane Amjed Hi Asli Halat Me Maujood Hai.
11. Bilfarz Koi Asmani Kitab Asli Halat Me Mil Bhi Jaye To Ab Use Padhne Ki Ijazat Nahin.
12. Quraane Kareem Ki Hifazata Ka Zimma Allah Ne Khud Liya Hai. Is Me Dusri Asmani Kitabomn Ki Tarah Ghatana Badhana Balke Ek Nuqtey Ka Bhi Farq Hona Na Mumkin Hai.
13. Quraan Ke Bare Me Ek Nuqte (Dot) Ka Bhi Farq Huwa, Hoga Ya Ho Sakta Hai Aisa Man Na Kufr Hai.
14. Quraane Kareem Ki Imtiyazi Haisiyat Ye Hai Ke Ye Wo Allah Ka Kalam Hai Jo Apne Sab Se Afzal Rasool Hazrat Muhammed Mustafa (ﷺ) Par Allah Ne Nazil Kiya Hai. Quraan Ki Ayat Ki Tarha Ek Ayat Bhi Koi Nahi Bana Sakta Quran e Majeed Jaisa Kalam Banane Ko Mumkin Man Na Bhi Kufr Hai.
15. Agli Kitaben Sirf Nabiyo Hi Ko Yad Hoti Thi. Magar Quran Ka Ye Mojza Hai Ke Musalmanon Ka Bacha Bacha Isey Yad Kar Leta Hai.
16. Quran Ke Ek Harf Padhne Par 10 Nekiyan Milti Hain. Quran Ki Taleemat Par Amal Karney Par Be Shumar Sawab Milta Hai.Balki Quran Nazil Hi Hamari Rehnumai Ke Liye Huwa Hai. Lehaza Hamey Quran Ke Ahkaamat Ke Mutabiq Zindagi Guzarni Chahiye.
17. Quran Mukammal Haq Hai. Is Ke Har Lafz Par Iman Lana Farz Hai.
18. Quraan E Kareem Ka Nuzool 23 Saal Ki Muddat Me Mukammal Huwa.Quraan Ki Ayaten Aur Soorathen Zaroorat Ke Mutabiq Ek Ek Do Do Kar Ke Utarti Thin.
19. Dusri Mazhabi Kitabon Jaise Geeta, Bible, Guru Granth, Waghaira Ko Allah Ki Kitab Man Na Kufr Aur Gumrahi Hai.
20. “Comparative Study” Ke Nam Per Aaj Jo Horaha Hai Wo Ek Dhoka Aur Sazish Hai. Quran Aur Dusri Mazhabi Kitabon Ka Jayza Le Kar Un Me Common Baton Ko Dhoond Nikalna Aur Kehna Ke Sabhi Kitabon Ki Taleem Ek Hi Hai. Ye Musalmanon Ko Bewaqoof Banana Ki Koshish Hai.
21. Quran Allah Ka Kalam Aur Us Ki Sifat (Attribute) Hai. Quraan Ko “Makhlokh” (Creation) Man Na Kufr Hai. Jaise Us Ka Kalam (Quran) Us Ki Sifath Hai. Hamara Quran Ka Padhna (Awaz), Kaghaz Par Likhna(Tehreer) Ye Sab “Haadis” (Fana Ho Sakti) Hain Magar Kalam (Quran) Hamesha Se Tha Aur Hamesha Rahega.
22. Quran Ke Bare Me Nasikh O Mansookh Ka Aqeeda: Baaz Ahkam Kisi Khas Muddat Ke Liye Hotey Hain Magar Allah Ye Zahir Nahi Fermata Ke Kitne Waqt Ke Liye Hain. Jab Ye Muddat Khatam Hojati Hai To Dusra Hokum Nazil Hota Hai. Jis Se Bazahir Ye Maloom Hota Hai Ke Pehla Hukm Utha Diya Gaya. Magar Haqeeqat Me Pehle Hukm Ka Waqt Khatam Hota Hai. Us Pehle Hukm Ko Mansookh Aur Dusre Ko Nasikh Kehte Hai. Quran E Kareem Pichli Asmani Kitabon Ke Bahut Saare Ahkaamat Ko Mansookh Kiya Hai Is Liye Quran Un Ka Ka Nasikh Hai. Quran Me Bhi Kai Ayaten Naasikh Aur Mansookh Hain.
23. Ayate ‘Muhkamat’ Aur Ayate ‘Mutashabihat: Quran Ki Wo Ayaten Jin Ke Maani (Meaning) Saaf Hain Yani Asani Se Sab Ki Samajh Me Asakti Hain Un Ko Ayate Muhkamat Kehte Hain. Magar Kuch Ayaton Ke Maani Maloom Nahi Hotey. Aisi Ayaton Ko Mutashabihat Kehte Hain. Aisi Ayaton Ke Bare Me Aqeeda Rakhna Chahiye Ke Is Ke Maani Allah Hi Ko Maloom. Magar Sab Par Hamara Iman Hai. Ye Hamare Imtihan Ke Liye Hain Ke Maney Samjhey Baghair Allah Ke Kalam Par Iman Rakheyn.
24. Huruf E Muqattaat (الم :یس:طسم Etc) Par Bhi Iman Rakhna Chahiye. Un Ke Maanon Me Ghauro Fikr Karney Ki Ijazat Nahi. Olema Farmate Hain Ke Ye Huruf Allah Aur Rasool Ke Beech Raaz Hain. Yaani Secret Codes Hain. In Ke Maani Kabhi Kabhi Allah Ke Waliyon Ko Batadiye Jate Hain. Aur Kabhi Kabhi To Khud Ye Huruf Kalam Kar Ke Apney Maani Allah Ke Waliyon Ko Batey Hain.
5. FARISHTE
Farishte Allah Ta'ala ki nooraani makhlooq aur us ke muazzaz bande hain, woh gunaahon se paak hain, din raat Allah Ta'ala ki ibaadat mein mashgool rehte hain, jin kaamon par Allah Ta'ala ne un ko laga diya hai, un hi mein lage rehte hain, kabhi Allah Ta'ala ki naafarmaani nahin karte.
Qur'aan mein hai: Farishte Allah ke kisi hukm mein us ki naafarmaani nahin karte aur wahi karte hain jis ka unhein hukm diya jaata hai.
[Sura-e-Tahreem: 6]
Farishte na mard hain na aurat, woh khaane peene ke mohtaaj nahin, un ki giza apne rab ki ibaadat wa bandagi karna aur us ke ahkaam ko baja laana hai, woh ibaadat se uklaate nahin hain, woh ibaadat se takabbur aur aar nahin karte, Allah Ta'ala ne un ko shaklein badalne ki taaqat de rakhi hai, kabhi woh insaan ki shakl mein haazir hote hain aur kabhi doosri shakl mein, aasmaanon aur zameenon ke saare intezaamaat Allah Ta'ala ne un ke supurd kiye hain. Farishte beshumaar hain, un ki
tadaad Allah Ta'ala ke siwa koi nahin jaanta.
Qur’aan mein hai: Aur tumhaare parwardigaar ke lashkaron (Farishton) ko us ke alaawa koi nahin jaanta.
[Sura-e-Muddassir: 31]
Farishte
In mein 4 farishte bahot mash'hoor wa muqarrab hain:
1) Hazrat Jibraeel Alaihissalam.
2) Hazrat Meekaaeel Alaihissalam.
3) Hazrat Israafeel Alaihissalam.
4) Hazrat Izraaeel Alaihissalam.
[Umdatul Qaari : 22/458]
*(1)* Hazrat Jibraeel Alaihissalam Allah Ta'ala ke ahkaam, kitaabein aur paigaamaat Rasoolon ke paas laate the.
[Sharahul Arbaeen Nawawiyyah: 6/3; Al Bidaaya Wannihaaya: 1/46]
*(2)* Hazrat Meekaaeel Alaihissalam Allah Ta'ala ki tamaam makhlooq ko rozi ponhchaane aur baarish wagaira ke intezaamaat par muqarrar hain, un ki maatahati mein beshumaar farishte kaam karte hain, baaz baadalon ke intezaam par muqarrar hain, baaz hawaaon, bijli aur kadak wagaira par aur baaz daryaaon, taalaabon aur nehron wagaira par muqarrar hain. Woh tamaam cheezon ka intezaam Allah Ta'ala ke hukm ke mutaabiq karte hain.
[Shua'bul Imaan: 158, Al Bidaaya Wannihaaya: 1/46]
*(3)* Hazrat Israafeel Alaihissalam Qayaamat ke din soor phoonkenge.
[Shua‘bul Imaan: 353]
*(4)* Hazrat Izraaeel Alaihissalam makhlooq ki rooh qabz karne par muqarrar hain. Un ki maatahati mein beshumaar farishte hain, momin bandon ki jaan nikaalne waale farishte alag hote hain aur kaafir bandon ki jaan nikaalne waale farishte alag hote hain.
[Al Bidaaya Wannihaaya: 1/47]
In 4 mash'hoor farishton ke alaawa aur farishton ka zikr bhi Qur'aan wa Hadees mein kiya gaya hai, jin mein se chand farishton ke kaam zikr kiye jaate hain:
*(1)* 4 farishte jin ko "Kiraaman Kaatibeen" kehte hain jin mein se 2 din mein aur 2 raat mein har ek bande ke saath hote hain, ek daayein kandhe par jo us ki neki likhta hai, doosra baayein kandhe par jo us ki buraai likhta hai.
[Sura-e-Infitaar: 11,12 ; Durre Mansoor: 8/440]
*(2)* Kuchh farishte aafaton aur balaaon se insaan ki hifaazat karne par muqarrar hain, jo aage peechhe se us ki hifaazat karte hain, jin ko "Hafazah" kaha jaata hai.
[Sura-e-An'aam: 61 ; Sura-e-Ra'ad: 11]
*(3)* Kuchh farishte insaan ke mar jaane ke baad qabr mein us se sawaal karne par muqarrar hain, jin ko "Munkar Nakeer" kehte hain.
[Tirmizi : 1071]
Allah Ta'ala ke tamaam farishton par Imaan laana zaroori hai. Jo un ka inkaar kare woh momin nahin ho sakta hai
6. QAYAMAT
Qayamat Us Din Ko Kehte Hai.
Jis Din Hazrate Israafeel Alaihissalaam Soor Fookenge Soor Seeng Ke Shakl Ki Ek Cheez Hai.
Jiski Awaaz Sunkar Sab Adami Aur Tamaam Jaanvar Mar Jayenge.
Zameen, Aasmaan, Chaand, Sooraj Aur Pahaad Wagairah Duniyaa Ki Har Cheez Ṭooṭ Fooṭ Kar Fanaa Ho Jayegi.
Yaha Tak Ki Soor Bhi Khatam Ho Jayega.
Aur Israafaeel Alaihissalaam Bhi Fanaa Ho Jayenge.
Ye Waqiya Muharram Ki Daswi Tarikh Juma Ke Din Hoga.
Anwaare Shariat Hindi P15
❀__ Allah Ta'ala ne is Duniya ko Khaas Waqt Tak ke liye Aabaad Kiya hai , Ek din Wo zaroor aane Wala hai Jab Duniya ki Saari ronaq Secondo mai kafoor ho jayegi aur Saara nizaam e Kaaynaat lapet diya jayega , Zarraat Ka to Kya kehna ,Na-qabile taskheer bade bade Pahaad Rooi ke golo'n ki tarah ude ude firenge ,
❀__Suraj aur Chaand Hazaaro saal se roshni dene wale Sitaare Be Noor ho jayenge , Us Waqt Ke Tasavvur hi se Rongte khade ho Jate hai'n aur Badan per Kapkapi Chad jati hai, Qur'an v Hadees mai Qayamat Ka ta'arruf aur us per Yaqeen rakhne per Bahut zor sarf Kiya hai ,
❀__Aur Waqi'a ye hai k Qayamat Ka istehzaar aur Tasavvur hi insaan ko buraiyo'n se mehfooz rakhne per Majboor Kar Sakta Hai , Jabki Qayamat se gaflat insaan ko be Raah Rooi Ka shikaar bana deti Hai , Bahut se Mazhab ke log isiliye gumraah ho gaye k Unke yaha'n Qayamat Ka tasavvur hi nahi , Wo Duniya ki Zindgi ko hi Sab kuchh samajhte rahe aur Jab Unhone agli Zindgi Ka tasavvur qaa'im nahi Kiya to uske liye taiyaari ka bhi koi Matlab baqi na raha ,
"__isliye Islam Ke Buniyadi aur Aham Tareen Aqaa'id mai se Qayamat aur Akhirat per imaan Lana bhi hai , Qur'an e Kareem ki Ayaat Mubaraka aur Ahadeese Tayyaba is silsile ki tazalliyaat se bhari padi hai'n ,
Qayamat K Kuch Pehle Kia Hoga?
Hadith: Tauba ka darwaza tab tak band nahi hoga jab tak ki suraj magrib se na nikle
Hadith: Muawiya Radi allahu anhu se rivayat hai ki Rasool-Allah Sal-Allahu alaihi wasallam ne farmaya hijrat ka silsila tab tak khatam nahi hoga jab tak ki tauba ka darwaza band na ho jaye aur tauba ka darwaza tab tak band nahi hoga jab tak ki suraj magrib se na nikle
(Sunan Abu Dawud, Vol 2, 707-Sahih)
Abu Hurairah Radhi Allahu Anhu se rivayat hai ki Rasool-Allah Sal-Allahu Alaihi Wasallam ne farmaya Qayamat us waqt tak qayam na hogi jab tak Do Azeem jamatein jung na karegi in dono jamaton ke darmiyan badi khoon-rezi hogi halanki dono ka dawah ek hi hoga (yani ek hi mazhab ko maane wale honegy ) yahan tak ki bahut se chote dajjal bheje jayenge taqreeban 30 Dajjal unmein se har ek dawah karega ki wo ALLAH ka Rasool hai yahan tak ki ilm utha liya jayega aur zalzalon ki kasrat hogi aur zamana kareeb ho jayega aur fitne zahir ho jayenge aur harj bad jayega harj yani Qatl, yahan tak ki tumhare pass maal ki kasrat ho jayegi yahan tak ki parhzigar aur Sahab-e-maal ko ye fikr hone lag jayegi ki uska sadqa kaun qubul karega aur yahan tak ki wo (sadqa) pesh karega magar jiske samne pesh karega wo kahega ki mujhe iski jarurat nahi aur yahan tak ki log badi badi imaraton mein aapas mein fakhr karenge , ek se ek badkar imaratein banayengey, aur yahan tak ki ek shaksh dusre ki kabr par se guzrega aur kahega ki kaash main bhi isi jagah hota aur yahan tak ki suraj maghrib se nikal jayega , jaise hi wo (suraj) is tarah tulu hoga aur log dekh lenege to sab log Imaan le aaayenge lekin ye wo waqt hoga jab kisi aise shaksh ko iska imaan lana fayda na dega jo pahle se imaan na laya hoga aur usne apne imaan ke saath achchay kaam na kiye hon Aur Qayamat achanak is tarah qayam ho jayegi ki do aadmiyon ne apne darmiyan kapda phaila rakha hoga ise abhi bech bhi na paaye honge aur na hi lappet paye honge , aur qayamat is tarah aa jayegi ki ek shaksh apni oontni ka doodh nikal kar wapas hua hoga aur abhi use pee bhi nahi paya hoga , aur qayamat is tarah qayam ho jayegi ki wo apne hauz ko durast kar raha hoga aur abhi usmein se paani bhi nahi pee sakega aur Qayamat is tarah qayam ho jayegi ki usne apna luqma munh ki taraf uthaya hoga aur abhi use khaya bhi nahi hoga
(Sahih Bukhari, Vol 8, 7121)
Maut K Baad Barzakh Phir Qayamat Par Hamara Detail Post No.04 Hai Usko Refer Kar Lein.
---------‐-----‐--------
KUFR Kisey Kehte Hain , Kufr Ke Kya Maani Hain ? Kafir Kaun Hai?
★ Kufr Ke Lughvi (Dictionary) Maani Hai "Kisi Chiz Ko Chupana" Or Istelah Me Kisi Ek Zaruriyat-e-Deen Ke Inkar Ko Bhi Kufr Kehte Hain, Agarcha Baqi Tamam Zaruriyat-e-Deen Ko Manta Ho.
Misal; Agar Koi Shaks Zaruriyat-e-Deen Ko Manta Hai or Ñamaz Ki Farziyat or Khatm-e-Nabuwat Ka Munkir Ho, Wo Kàfir Hai. Kyun Ke Dono Ka Manna Zaruriyat-e-Deen Me Se Hai...
★ Kisi Aysi Baat Ka Inkar Karna Jiske Baarey Me Yakini Taur Per Malum ho Ke Islam Ki Baat Hai To Baat Kufr Kehlayegi.
Jaisa Ke Roza, Namaz, Hajj, Zakat, Jannat-Dozakh, Kisi Sunnat Ko Halka Batana, Shariat Ke Hukm Ka Mazak Udana Ya isme Shakk Karna Yakinan Kufr Hai...
Bahar-e-Shariat, Hissa-1, Page. 92
Qanun-e-Shariat, Vol. 1, Page 38
KUFR KARNE WALA KAFIR HOTA HAI
Ye 1 Fiqhi Word Hai Isko WEAPON Banana aur Logon Par Istemal Karna Durust Nahi. Academic Purpose Se Samajhne K Liye Bataya Jata Hai.
Quran 109
Surah *Kafiroon*
Ayat 1
qul ya ayyuhal *kafirun* سورة الكافرون
Kafir Word Islam Se Kohi Bhi Nahi Nikal Sakta
NASS e QATAI Se Hai
Haan
Sirf Academic Purpose K Liye Use Karna Behtar Hai
Warna Fasad Hojayega!!🏴🏳️🏁
Quran Ki 1 Bhi Ayat Ka Inkaar Karne Wala KAFIR Hai
Misal -
Betiyon Ka Hissa Quran Mein Hai
Ab Kohi Hero Bolega Betiyon Ka Hissa Nahi Hota
Matlab KUFR
Ab Isko Quran Khol K Samjhaya Jayega Maan Liya Aur Tauba Kar Liya Toh Musalman Hi Hoga.
Nahi Mana Ada Raha Tab KAFIR Ka Huqm Bhi Lag Jayega.
Jaise -
JINN Ka Hona Sabit Hai
Sureh JINN Hai
Kohi Bolega JINNAT Nahi Hote Wo KAFIR Hai
Jaise -
Jaadu Hona Sabit Hai
SAHAR
Hazrat Musa Alayhissalam K Zamane Mein Jadugar Ka Waqia Quran Mein Hai
Iska Inkaar KUFR Hai
Ispar Aur Detail Hamare Post Tauheed Shirk aur Waseela Post No.32 Mein Hai Wo Refer Karen
Q. kisi musalman ko kafir kehna kaisa?
Hazrat Abdullah ibne Omer Radiallahu Taala Anhu Se Riwayat Hai ki Rasool Allah Sallalahu Alaihi Wa Sallam Ne Farmaya Jab Koi Shaks Apneey Musalman Bhai Ko Kafir Kehta Hai Toh Dono Mai Sey Koi Ek Shaks Uss Kufr aKey Saath Louta
(Yaani Agar Jissey Kafir Kaha Gaya Woh Kafir Nhi Hua Toh Kehne Wala Khud Kafir Ho Jaeynga
(Sahih Bukhari Shareef ,Kitab ul Adab ,HadeesNo-6104)
Kafir ko Kafir Kahna Kaisa?
Jawab : KaFir ko KaFir Hi Kehna ChaHeye.
(Albatta fitne k khauf se khamoosh rehna bhi behtar hai) Magar Muslaman Bolna Bhi KUFR Hai.
Aksar Kaafi Logo se Suna Hai ki Kaafir ko Kaafir Na Kaho
Kya Pata Uska KhatMa imaan Per Hojaye,
Lekin Hum Yeh Kyu Nahi Sochte ki Allah Ta'Ala Aur Nabi (صَلَّى اللّٰهُ عَلَيْهِ وَسَلَّم) Ne Kaafir Ko Kaafir Bola ya Nahi.
Aur is Tarah Hum MusalMaan ko MusalMaan Bhi Nahi Kehna Chahiye Kya Pata Uska KhatMa imaan Per Na Ho aur Woh Us Waqt GumRah HoJaye aur Kafiro’N Ki Maut Marjaye.
Khair Hum Insha Allah Quran O Hadees Se Dalil Lete Hai Is Per Ki Kaafiro’N Ko Kaafir Kehna Kaisa ???
Quran :
Surah Baqrah Aayat No. 6TarJuma : Beshak Woh Jinke Qismat Me Kufr Hai , Inhe Barabar Hai Chahe Tum Inhe Darao Ya Na Darao Woh Imaan Laane Kay Nahi.
Surah Baqrah Aayat No. 8TarJuma: Aur Kuch Log Kehte Hai, Kay Hum Allah Aur Pichle Deen Per Imaan Laaye Aur Who Imaan Wale Nahi.
Surah Kaafiroon Ayat No. 1TarJuma : Tum Farmao A Kafiro’N.
Surah Maida Aayat No. 51TarJuma : A Imaan Walo Yahud O Nasara Ko Dost Na Banao.
(Yaha Allah Imaan Walo Se Keh Raha Hai Ki Kaafir Jo Yahud O Nasara Hai Se Dosti Karne Mana Karraha Hai)
Surah Maida Aayat No. 44TarJuma : Aur Jo Log Allah Kay Utaare Per Hukum Na Kare Who Log Kaafir Hai.
Hadees :Rasoolullah (صَلَّى اللّٰهُ عَلَيْهِ وَسَلَّم) Apne Sahaba se Farmate Hain,
" Kya Faajir Ko Bura Kehne Se Parhez Karte Ho?
Log inhe Kab Pehchanenge?
Faajir ki Buraiya Bayan Karo Taki Log isse BaChen.
[ Kanzul Ummal S-338 ]
الصلوۃ والسلام و علیک یا رسول اللہ
Aur 1 Jagah KUFR Ka Mana Ye Bhi Bataya Gaya Hai -
Zaruriyat-E-Deen Me Se Kisi Ek Baat Ka Inkaar Karna Kufr Hai.
Zururiyaat-E-Deen Bahut Hai Unme Se Kuch Yah Hai:
Khudayeta’ala Ko Ek Aur Waajibul-Wajood Manna.
Uski Zaat Wa Sifaat Me Kisi Ko Shareek Na Samajhna,
Zulm Aur Jhooṭ Wagaira Tamaam Aiboo Se Usko Paak Manna, Uske Malaika Aur Uski Tamaam Kitaabo Ko Manna, Quran Majeed Ki Har Aayat Ko Haak Samajhna.
Huzoor Sayyed-E-Aalam (Sallallaaho Ta’aalaa Alaihi Vasallam) Aur Tamaam Ambiya-E-Kiraam Ki Nabuwat Ko Tasleem Karna.
Un Sabko Azmat Wala Janna ,
Unhe Jaleel Aur Chhoṭaa Na Samajhna Unki Haar Baat Jo Katai Aur Yakeeni Taur Par Saabit Ho Use Haak Janna.
Huzoor (Sallallaaho Ta’aalaa Alaihi Wasallam) Ko Khaatamun-Nabeeyeen Manna.
Unke Baad Kisi Nabi Ke Paida Hone Ko Jaayez Na Samajhna,
Qiyaamat Hisaab Wa Kitaab Aur Jannat Wa Dozakh Ko Haak Manna,
Namaz Wa Roza Aur Hajj Wa Zakat Ki Farz’iyat Ko Tasleem Karna.
Zina, Choori Aur Sharaab Noshi Wagaira Haraam Kata’i Ki Huramat Ka Itiqaad Karna Aur Kafir Ko Kafir Janna Wagaira.
Anware Shari’at Hindi P19
Q. Kufr E Fiqhi Or Kufr E Kalami Kise Kehte Hai?
Kalimaat E Kufr Ki 2 Qisme Hain.
1) Luzoom E Kufr: Jisme Kisi Sahi Ma’na Ka Bhi Ehtemaal (Pehlu) Ho.
2) Iltezam E Kufr: Jisme Koi Aise Ma’na Nahi Bante Jo Qaayel Ko Kufr Se Bachaaye.
Luzoom E Kufr Ki Surat Me Bhi Fuqaha E Kiram Ne Hukm E Kufr Diya.
Lehaza Ise Kufr E Fiqhi Kaha Jata Hai.
Lekin Mutakallimeen Isse Sukoot (Khamoshi Ikhtiyar) Karte Hain Aur Farmate Hai.
Jab Tak Iltezam E Kufr Ki Surat Naho Kehne Wale Ko Kafir Kehne Se Sukoot Kiya Jayega Aur Ise Kufr E Kalami Bhi Kaha Jata Hai.
Kafir Ki 3 Qisme Hain
1) Zimmi: Jo Darul Islam Me Rehne Ke Liye Badshah E Islam Ko Jiziya De.
2) Mustaamin: Badshah E Islam Ne Jise Amaan Di Ho.
3) Upar Ki Do Qismo Ke Ilawa Jo Ho Wo Harbi Hai.
Tahir ul Qadri Kafir Kiyun Hai?
Wahabi Kafir Kiyun Hai?
Shia Kafir Kiyun Hai?
Ye Sab Ka Elm Hasil Karne K Liye Hamare Saare Post Padhe.
